NAIBU WAZIRI WA UJENZI ELIAS KWANDIKWA AMEITAKA TANROADS KUHAKIKISHA WANAWEKA MIZANI YA KUHAMISHIKA KATIKA ENEO LA MAKAMBAKO

TAREHE 19-01-2018

Naibu waziri wa ujenzi Mh Elias Kwandikwa amewaagiza Wakala wa barabara hapa nchini TANRODS kuhakikisha kuwa ndani ya mwezi mmoja wanaweka mizani ya kuhamishika katika eneo la mizani la Makambako ili kutatua changamoto ya msongamano wa magari katika eneo hilo.

Mh Kwandikwa ametoa maagizo hayo  mkoani Njombe mara baada ya kutembelea mizani hiyo na kujionea changamoto ya foleni ya magari katika eneo hilo.

Aidha naibu waziri huyo amewaonya madereva wote wanaotumia kisingizio cha uwepo wa foleni katika mizani hiyo na kufanya mambo yao binafsi.

Hata hivyo Mh Kwandikwa amemaliza ziara yake ya kikazi katika mikoa ya Lindi,Ruvuma,Mtwara na Njombe ambapo ameweza kutembelea na kukagua miradi mbalimbali inayotekelezwa na wizara yake.