WAANDAMANAJI SITA NCHINI DRC WAUAWA.

TAREHE 22-01-2018

Image caption
Waandamanaji sita wameuawa katika nchi ya  Jamhuri ya Demokrasia ya Congo kufuatia makabiliano na polisi waliokuwa wakizima maandamano yanayoendelea kusambaa nchini humo kumshinikiza rais Joseph Kabila kuondoka madarakani.

Polisi wametumia mabomu ya machozi kuwatawanya waandamanaji mjini Kinshasa,ambapo maandamano kama hayo pia yanaendelea katika miji mingine ndani ya taifa hilo.

Msemaji wa umoja wa mataifa nchini Jamhuri ya Congo amesema kuwa Zaidi ya watu 50 walijeruhiwa siku ya jumapili.

Waziri wa zamani Jean Baptise Sondji ameliambia shirika la habari la AFP kwamba alishuhudia mauaji ya mtoto mwenye umri wa miaka 16 nje ya kanisa eneo la Kitambo mjini Kinshasa.

Serikali ya Congo imepiga marufuku maandamano ya aina yoyote huku siku  ya jumamosi mawasiliano ya internet yalikatwa mjini Kinshasa.