Mpango wa usitishaji mapigano wa kila siku unaoruhusu usambazaji wa misaada ya kiutu, uliotangazwa na Urusi umeanza kufanya kazi siku ya Jumanne katika eneo linaloshikiliwa na waasi la Ghouta Mashariki karibu na mji mkuu wa Damascus Syria, kufuatia wimbi la mashambulizi ya angani na mabomu yaliyoendelea usiku kucha.

DAMASCUS.

Mpango wa usitishaji mapigano wa kila siku unaoruhusu usambazaji wa misaada ya kiutu, uliotangazwa na Urusi umeanza kufanya kazi siku ya Jumanne katika eneo linaloshikiliwa na waasi la Ghouta Mashariki karibu na mji mkuu wa Damascus Syria, kufuatia wimbi la mashambulizi ya angani na mabomu yaliyoendelea usiku kucha.

Mkuu wa shirika la uangalizi wa haki za binadamu nchini Syria Rami Abdel Rahman, amesema mpango huo umeanza kufanya kazi hii leo na kuna utulivu katika maeneo yote ya Ghouta mashariki.

Kwa mujibu wa wizara ya ulinzi ya Urusi Usitishaji huo wa muda katika maeneo ya mapambano umeanza saa tatu asubuhi na unatarajia kudumu hadi saa sita mchana kila siku.

Njia ya usambazaji wa misaada ya kiutu itawekwa ili kuwaruhusu raia kuondoka katika eneo hilo.