Ikulu ya Marekani White House imesema itasubiri kuona hatua za Korea Kaskazini baada ya nchi hiyo kusema iko tayari kufanya mazungumzo na Marekani, ikiwa ni hatua ya nadra ya kidiplomasia baada ya miezi kadhaa ya Korea kaskazini kurusha makombora na kufanya majaribio ya silaha za kinyuklia huku kukiwepo na vitisho vya kuanzisha vita kutoka pande zote mbili.

WASHINGTON.

Ikulu ya Marekani White House imesema itasubiri kuona hatua za Korea Kaskazini baada ya nchi hiyo kusema iko tayari kufanya mazungumzo na Marekani, ikiwa ni hatua ya nadra ya kidiplomasia baada ya miezi kadhaa ya Korea kaskazini kurusha makombora na kufanya majaribio ya silaha za kinyuklia huku kukiwepo na vitisho vya kuanzisha vita kutoka pande zote mbili.

Msemaji wa White House Sarah Huckabee Sanders

Msemaji wa White House Sarah Huckabee Sanders amesema watasubiri kuona hatua za Korea Kaskazini wakati akiwa katika rasi ya Korea akiwa mmoja wa wajumbe wa Marekani waliohudhuria michezo ya Olimpiki nchini Korea Kusini.

Ujumbe wa Marekani katika michezo ya olimpiki uliongozwa na Ivanka Trump, binti wa Rais Donald Trump.

Wakati wa sherehe ya kufunga michezo hiyo hapo jana, ofisi ya Rais wa Korea Kusini Moon Jae-in ilitangaza kuwa mjumbe wa Korea Kaskazini aliyehudhuria michezo ya Olimpiki alisema nchi yake iko tayari kufanya mazungumzo na Marekani baada ya miongo kadhaa ya mvutano kati ya nchi hizo mbili, ambazo hazina mahusiano rasmi ya kidiplomasia.

Hata hivyo Trump aliiwekea vikwazo vipya Korea Kaskazini wiki iliyopita.