Mkuu wa Wilaya ya Nyamagana mkoani Mwanza Bi Mary Tesha amewataka wazazi na walimu kutoa ushirikiano kwa malezi ya watoto wao ili kuwakinga na mimba za utotoni.

MWANZA.

Mkuu wa Wilaya ya Nyamagana mkoani Mwanza Bi Mary Tesha amewataka wazazi na walimu kutoa ushirikiano kwa malezi ya watoto wao ili kuwakinga na mimba za utotoni.

Bi Mary Tesha

Akiwa katika ziara ya kutembelea shule za sekondari wilayani humo Bi Tesha ametoa rai kwa wanaokatisha ndoto za wanafunzi wa kike ili watoto waweze kusoma hadi kumaliza elimu yao.

Bi. Tesha amesema tatizo la mimba za utotoni kwa wanafunzi wengi hasa wa kike limekuwa kikwazo kwa watoto cha kufikia malengo ya kielimu kwa kukatiza ndoto zao kusoma huku wakijikuta wakilea watoto katika umri mdogo.

Aidha, Bi Tesha amesema kuwa anataka wanaume wanaowapa watoto hao wa kike mimba wakamatwe na kushtakiwa kwa ajili ya sheria kuchukua  mkondo wake ili wanaume watakapowaona watoto wa kike wawaogope badala ya kumchukua mtoto huyo wa kike akiwa na mimba na kumchunguza, kumkamata pamoja na kuhangaika naye.

Hata hivyo, Bi. Tesha ameongeza kuwa endapo hatua hizo zikichukuliwa kwa wanaume hao watawaogopa watoto wa shule na itatoa uhakika kwa watoto wa kike kusoma shule pamoja na  kumaliza tatizo la mimba za utotoni .