Imebainishwa kuwa endapo jamii itamrejea Mungu kwa kufanya maombi ya toba Mungu anapata fursa ya kukaa ndani yao na kuachilia kibali cha kufanya kazi bila kuwepo na kizuizi chochote wala kusumbuliwa na magonjwa.

ARUSHA.

Imebainishwa kuwa endapo jamii itamrejea Mungu kwa kufanya maombi ya toba Mungu anapata fursa ya kukaa ndani yao na kuachilia kibali cha kufanya kazi bila kuwepo na kizuizi chochote wala kusumbuliwa na magonjwa.

Huduma ya redio safina kesho kuanzia saa mbili asubuhi hadi saa sita mchana katika ukumbi wa maombi uliopo mbauda jijini Arusha imekuandalia maombi maalumu ya kurejeshwa karibu na Mungu ili uweze kuwatimizia Baraka zote pamoja na kuwashindia katika maeneo mbalimbali ya maisha.

Aidha kutokana na jamii kuwa mbali na Mungu matatizo mbalimbali yamekuwa yakijitokeza kama vile kuishi maisha ya kushambuliwa na magonjwa, kufa kwa miradi,biashara,huduma,kutokupata watoto katika ndoa pamoja na kuishi maisha ya umaskini.

Kwa mujibu wa somo zipo dalili zinazoonesha kuwa mtu yuko mbali na Mungu kama vile kushuka viwango vya kiroho, kukosa kibali kwa watu, kufilisika kiuchumi, migogoro kuzidi hadi kwenye nyumba za ibada, kuomba bila kupokea majibu ya maombi kuanzisha jambo na kukwama njiani, pamoja na kusumbuliwa na nguvu za giza mara kwa mara.

Hata hivyo kesho maombi rasmi ya urejesho yatafanyika ikiwa ni sambamba na watu kurudishiwa uzima, nguvu za kiroho, pamoja na watu wenye mahitaji sugu kuombewa.