TRUMP KUKUTANA NA KIM JONG UN JUN 12 NCHINI SINGAPORE.

Rais wa Marekani, Donald Trump amesema atakutana na kiongozi wa Korea Kaskazini, Kim Jong Un Juni 12 nchini Singapore.

RAIS TRUMP.

Mkutano huo wa kilele utakuwa wa kihistoria na wa aina yake kati ya viongozi hao wawili ambapo Trump ameandika katika ukurasa wake wa Twitter kwamba watajitahidi kuufanya mkutano huo uwe wa muhimu kwa ajili ya amani ya dunia.

Viongozi hao wawili wanatarajia kujadiliana kuhusu maendeleo ya silaha za nyuklia za Korea Kaskazini pamoja na majaribio yake ya makombora ambayo yamesababisha mvutano wa muda mrefu kati ya Marekani na Korea Kaskazini.

RAIS WA KOREA KASKAZINI KIM JONG UN

Tangazo hilo la Trump limetolewa muda mchache baada ya raia watatu wa Marekani waliokuwa wamefungwa gerezani Korea Kaskazini kuwasili Marekani, baada ya kuachiwa huru na utawala wa Kim.

Trump amesema atafurahi kama watafanikiwa kuhakikisha hakuna kabisa silaha za nyuklia katika Rasi ya Korea.