MAKAMU WA RAIS WA JAMHURI YA MUUNGANO WA TANZANIA MH.SAMIA SULUHU AKUTANA NA KUZUNGUMZA NA ROJA BOHIS KUHUSU MASUALA YA AFYA NA UCHUMI PAMOJA MAMBO MENGINE.

Makamu wa Rais wa Jamuhuri ya Muungano wa Tanzania Mh Samia Suluhu Hassan amekutana na kufanya mazungumzo na Roja Bohis Mkurugenzi Mtendaji wa Taasisi ya Bill and Mallinda Gate Foundation mjini Dodoma na kuafikiana dhidi ya masuala ya afya na uchumi na mambo mengine.

Makamu wa Rais Samia Suluhu Hassan amesema kuwa wamezungumza mambo mengi na Mkurugenzi huyo kwa masuala ya afya, uwezeshaji wanawake kiuchumi,kilimo cha kisasa,kuongeza thamani ya mazao pamoja na masoko.

Aidha, Makamu wa Rais amezungumzia suala la upatikanaji wa maji safi na salama hasa kwa wakazi wa jiji la Dar es salaam ambapo mara kwa mara kumekuwapo na magonjwa ya milipuko.

Kwa upande wake Roja Bohis Mkurugenzi Mtendaji wa Taasisi ya Bill and Mallinda Gate Foundation ameipongeza serikali ya Tanzania kwa hatua kubwa waliyoipiga katika kuwajumuisha wanawake katika masuala yanayohusu fedha.