RAIS TRUMP WA MAREKANI AMESEMA ATAWEKA ADHABU KALI KWA WANAOJIHUSISHA NA MADAWA YA KULEVYA.

Rais Donald Trump wa Marekani amesema kuwa anataka kuweka adhabu kali ikiwemo adhabu ya kifo kwa wale watakao baninika kujihusisha na biashara haramu ya dawa za kulevya nchini humo.

RAIS TRUMP WA MAREKANI.

Habari zinaeleza kuwa Trump anaweka adhabu hiyo lengo likiwa ni kukabiliana na ongezeko kubwa la watumiaji wa madawa ya kulevya nchini Marekani.

Katika hotuba yake aliyoitoa akiwa New Hampshire,Tramp amesema kuwa wauzaji wa dawa za kulevya wamesababisha vifo vya maelfu ya watu, lakini cha ajabu baada ya kuhukumiwa kufungwa wamekuwa wakikaa muda mfupi tu gerezani jambo ambalo anasema haridhishwi nalo.

Ameongeza kuwa tatizo hilo linaweza kuondolewa kwa kutumia akili na kuwa imara pamoja na kutenga fedha.

Rais Tramp amebainisha kuwa yeye pamoja na bunge tayari wameafikiana kutenga kiasi cha dola billioni 6 katika bajeti mpya ya mwaka 2018/2019 ili kukabiliana na tatizo la dawa za kulevya.

Hata hivyo Rais Trump ameelezea mikakati iliyowekwa tayari katika kukabiliana na dawa za kulevya hadi sasa mojawapo ikiwa ni kupunguza kiwango cha uhitaji wa dawa hizo.

Rais Trump ameahidi kujenga taifa huru katika masuala ya matumizi ya dawa za kulevya kwa kizazi kijacho na kuhakikisha hakuna mazingira yatakayosababisha watu kujitumbukiza katika matumizi ya dawa za  kulevya.