ANGELA MERKEL KUKUTANA NA TRUMP

Kansela wa Ujerumani Angela Merkel atakutana leo na Rais wa Marekani Donald Trump katika Ikulu ya White House, akikabiliwa na kibarua kigumu cha kuukoa muafaka wa nyuklia wa Iran, kuepusha vita vya kibiashara na kuyafanya mahusiano yake na rais huyo wa Marekani kuanza tena kufanya kazi.

 

Ziara ya kiongozi huyo wa Ujerumani tayari imegubikwa na mazungumzo yaliyoonekana kuwa ya undugu kati ya Donald Trump na Rais wa Ufaransa Emmanuel Macron wiki hii.

Saa chache tu kabla ya Kansela Merkel kutua jana usiku nchini Marekani, ikiwa ni miezi 15 baada ya Trump kuapishwa kuwa rais, Bunge la Marekani hatimaye lilifanikiwa kumuidhinisha balozi wa nchi hiyo nchini Ujerumani.

Hata hivyo  Muda mfupi baada ya uteuzi wake, Richard Grenell  anayejulikana kwa msimamo wake wa kihafidhina na mtetezi mkubwa wa sera za Trump za ``Marekani Kwanza” alithibitishwa kuchukua wadhifa huo.