UNRWA LITASITISHA HUDUMA ZAKE KWA WAKIMBIZI WA PALESTINA.

Shirika la Umoja wa Mataifa linalohudumia wakimbizi wa Palestina UNRWA limeonya kuwa linaweza kusitisha huduma zake za kimsingi, ikiwemo elimu, ifikapo mwanzoni mwa mwezi Septemba kutokana na kukosa fedha.

Msemaji wa UNRWA Sami Mashashaa amesema shirika hilo halitakuwa na uwezo wa kutoa huduma kwa wakimbizi wa Palestina ifikapo mwezi Septemba, kama msukosuko wa kifedha unaolikabili hautatatuliwa.

Ameongeza kuwa licha ya michango ya fedha iliyotolewa hivi karibuni na baadhi ya nchi, UNRWA bado inakosa dola za kimarekani milioni 200 kuendelea na misaada yake