UJERUMANI NA IRAQ KUSHIRIKIANA KUWARUDISHA NYUMBANI WAKIMBIZI

Waziri wa maendeleo wa Ujerumani Gerd Müller amesema nchi yake na Iraq zitashirikiana katika kutekeleza zoezi la kuwarudisha nyumbani wakimbizi wa Iraq.

GERD MULLER

Waziri Müller amesema wakimbizi elfu kumi wa Iraq walioko nchini Ujerumani watasaidiwa ili waweze kurudi kwao,ambapo amesema  Ujerumani na Iraq zimekuabliana kushirikiana kwa undani zaidi ili kuwasaidia kurudi nyumbani Wairaki wanaoomba hifadhi ya ukimbizi nchini Ujerumani.

Waziri huyo wa maendeleo wa Ujerumani aliyefanya ziara nchini Iraq pia amesema Ujerumani na Iraq zitafanya kazi kwa pamoja ili kuwapa fursa za elimu na ajira Wairaki wanaorejea nchini kwao.

Hata hivyo Kati ya wairaki elfu ishirini na nne wanaoishi nchini Ujerumani kwa sasa,12,000 hawajafanikiwa kupata hifadhi ya ukimbizi.