MADAKTARI NCHINI DRC WAENDELEA NA MGOMO

Madaktari nchini Jamhuri ya Kidemokrasia ya Congo wanaendelea na mgomo wao walioanza siku ya jana kutokana na wito uliotolewa na  chama chao kikuu.

Madaktari nchini DR Congo wanaomba serikali kuboresha mishahara yao, huku wakiishutumu kutoheshimu makubaliano walioafikiana mwaka jana kuhusu madai yao.

Aidha wanadai kupewa mshahara mzuri, malipo ya kazi zao za ziada, kutambuliwa kwa vyeo vyao na ufumbuzi kwa madaktari mia moja waliyofukuzwa kinyume cha sheria mwaka 2016  na ambao wamefanya kazi tangu wakati huo bila malipo.

Wagonjwa wameomba madaktari kusitisha mgomo huo wakisema kuwa unawaathiri pakubwa, huku wakiomba serikali kutafutia ufumbuzi madai ya madaktari.

Mwishoni mwa wiki iliyopita, serikali imetoa mapendekezo kwa madaktari wanaogoma na tayari imejibu madai ya madaktari hao, huku ikisema kazi kubwa kwa sasa iko upande wa chama kikuu cha madaktari, ambacho hakikuwasilisha mapendekzo hayo kwa wanachama wake.