BOMU LENYE KILO 500 LA ENZI YA VITA VIKUU VYA DUNIA LAPANGWA KUTEGULIWA.

Watu wanatarajiwa kuhamishwa leo katika sehemu kubwa ya katikati ya mji mkuu wa Ujerumani Berlin huku wataalamu wakijiandaa kutungua bomu la enzi ya vita vikuu vya pili vya dunia lenye uzito wa kilo 500 ambalo limegunduliwa wakati wa shughuli za ujenzi.

Usafiri unatarajiwa kusitishwa huku zaidi ya watu elfu kumi wakiondolewa kutoka katika maeneo hayo umbali wa mita 800 kutoka mahali bomu lilipo, kikiwemo kituo kikubwa cha treni cha Berlin.

Shirika la usafiri wa treni Ujerumani Deutsche Bahn limesema treni hazitaruhusiwa kusimama katika kituo hicho kuanzia saa nne na usafiri wa treni utasitishwa kabisa kuanzia saa tano na nusu hadi saa saba mchana kwa saa za ukanda huo.

Polisi wamesema bomu litatunguliwa saa tano na nusu lakini huenda shughuli hiyo ikacheleweshwa hadi saa sita kamili.

Safari za ndege hazitarajiwi kukatizwa, ingawa usafiri wa umma kuelekea uwanja wa ndege utaathirika.