WANADIPLOMASIA 60 WA MAREKANI WAFUKUZWA NCHINI URUSI

Wanadiplomasia 60 wa Marekani ambao wamefukuzwa kutoka Nchini Urusi baada ya sakata la sumu inayodaiwa kupewa jasusi wa zamani Serguei Skripal na binti yake wameondoka katika ubalozi wa Washington huko Moscow mapema leo.

Mwandishi wa shirika la habari la AFP Alieyeko Moscow ameshuhudia msafara wa mabasi matatu ya ubalozi wa Marekani pamoja na magari mengine yakielekea kwenye uwanja wa kimataifa alfajiri ya leo

Hatua hiyo inakuja baada ya Moscow kuweka tarehe ya Aprili 5 kuwa tarehe ya mwisho kwa wanadiplomasia wa Marekani wawe wameshaondoka nchini humo.

Wiki iliyopita Waziri wa Mambo ya Kigeni wa Urusi, Sergei Lavrov, amesema nchi yake itawafukuza nchini humo wanadiplomasia 60 wa Marekani na kufunga ofisi za ubalozi wake mjini Saint Petersburg kujibu kitendo cha wanadiplomasia wake kufukuzwa na nchi za Magharibi.

Utawala wa Washington wenyewe umesema kuwa kitendo kilichofanywa na Urusi hakina msingi wowote na kwamba Serikali inafikiria hatua nyingine za kuchukua.