RAIS MAGUFULI AMESEMA KUWA SERIKALI ITAENDELEA KUTEKELEZA MIRADI YA UMEME

Rais wa jamuhuri ya muungano wa Tanzania Mh John Magufuli amesema kuwa serikali itaendelea kutekeleza miradi mbalimbali ya umeme ili kuhakikisha Tanzania inakuwa na umeme wa kutosha.

RAIS MAGUFULI

Mh magufuli ameyasema hayo leo jijini Dar-es-salaam wakati akizindua mradi wa umeme wa gesi asilia wa Kinyerezi Two wenye thamani ya shilingi bilioni mia saba na hamsini.

Amesema kuwa uchumi wa viwanda unaotarajiwa na serikali hauwezi kufanikiwa bila kuwa na umeme wa uhakika na wa kutosha hivyo jitihada zaidi zinahitajika kufanywa  na serikali ili kuongeza uzalishaji wa umeme kutoka Meg Watts 1400 zinazozalishwa kwa sasa hadi kufikia Mega Watts 5000 kwa siku za baadaye.

Ameongeza kuwa mradi huo aliouzindua leo unatekelezwa na serikali ya Japani kwa kushirikiana na serikali ya Tanzania kwa gharama ya shilingi bilioni mia saba na hamsini na utapunguza kwa kiasi kikubwa upungufu wa umeme hapa nchini.

Kwa upande wake mkurugenzi mkuu wa shirika la umeme hapa nchini Dr Tito Mwinuka amesema kuwa mradi huo utaongeza Mega Watts 240 katika gridi ya Taifa,ambapo pia ameishukuru serikali kwa kutoa fedha na kufanikisha kukamilika kwa mradi huo.