VIONGOZI WA VIJIJI WATAKIWA KUANZISHA MADAFTARI YA KUTUNZA KUMBUKUMBU

Jeshi la polisi Mkoani Rukwa limewataka viongozi wa serikali za vijiji kuanzisha madaftari ya kutunza kumbukumbu ya wakazi wa maeneo yao sanjari na wageni wanaoingia katika vijji vyao ili kupambana na vitendo vya kihalifu kwenye maeneo wanayoyaongoza.

KAMANDA WA POLISI MKOA WA RUKWA GEORGE KIANDO

Wito huo umetolewa na kamanada wa polisi mkoani Rukwa Gorge Kiando kufuatia vitendo vya mauaji yaliyokuwa yakiongezeka katika maeneo yao hususani kwenye wilaya ya Sumbawanga kwenye bonde la ziwa Rukwa.

Aidha wananchi wa maeneo hayo wanawataka baadhi ya viongozi wa serikali za vijiji wanaokabiliwa na tuhuma hizo kubadili mienendo yao kwa kuacha tamaa za kutaka kujipatia fedha hizo haraka kwa kuwakumbatia wahalifu.

Mkoa wa Rukwa katika miaka ya hivi karibuni umekuwa ukiripotiwa vitendo vingi vya mauaji ya vikongwe ambazo zinatokana na tuhuma za vitendo vya kishirikina sanjari na visa vya wivu wa kimapenzi.