ZAIDI YA WAKAZI ELFU HAMSINI WATARAJIWA KUNUFAIKA NA MRADI MKUBWA WA MAJI CHINI YA UTEKELEZAJI WA MAMLAKA YA MJI MDOGO WA NGARAMTONI.

ARUSHA.

Zaidi ya wakazi elfu hamsini wanatarajiwa kunufaika na mradi mkubwa  wa kisasa wa maji unaotekelezwa katika mamlaka ya mji mdogo Ngaramtoni katika halmashauri ya Arusha Dc mkoani Arusha.

meneja wa mamlaka ya maji mdogo wa Ngaramtoni Clyson Kimaro

Akiongea na waandishi wa habari ofisini kwake meneja wa mamlaka ya maji katika mji mdogo wa Ngaramtoni ndugu Clyson Kimaro amesema kuwa mradi huo unatarijiwa kugharimu takribani kiasi cha fedha shilingi,Bilioni  5.8.

Meneja Kimaro ameongeza kuwa vitongoji vitakavyo nufaika na mradi huo ni Ngaramtoni,Seuri,vijiji vya Lengijave,pamoja na Olkokola,ambapo mradi huo unatazamiwa kukamilika mwezi Novemba,2018.

Mamlaka ya maji katika mji mdogo wa ngaramtoni (ngauwasa) inakabiliwa na changamoto ya upungufu mkubwa wa maji kwa kuwa miradi iliyopo ni midogo huku mahitaji ya maji yakiwa ni takribani lita milioni saba kwa siku.

Meneja kimaro amewaambia waandishi wa habari kuwa kiasi cha maji kinachopatikana kwa sasa kwa siku ni lita milioni mbili na laki nane wakati ambapo kuna upungufu wa lita milioni nne na laki mbili kwa siku.

Wakati huo huo meneja wa ngauwasa hakusita kutoa wito kwa jamii kuyatunza mazingira kwa kuvilinda vyanzo vya maji na kuacha kukata miti kwenye maeneo ya vyanzo hivyo.

Kitendawili kikubwa kwa mamlaka ya maji katika mji mdogo wa ngaramtoni ni kukamilika kwa mradi huo kwa  wakati  kama alivyo ahidi meneja wa mradi huo;  huku vitongoji vingine kama vile vya  olmotonyi,na maeneo ya jirani yakisubiri namna yatakavyo pata huduma ya maji; kwani maeneo hayo kwa sasa yanakabiliwa na uhaba mkubwa wa maji.